நீங்கள் தேடியது "மீனவர்கள் தத்தளிப்பு"

தூத்துக்குடி:

வங்கக்கடலில் ஏற்பட்டுள்ள புயல் காரணமாக மீனவர்கள் கடலுக்கு செல்ல வேண்டாம் என எச்சரிக்கை விடுக்கப்பட்டுள்ளது. மேலும் ஆழ்கடலுக்கு மீன்பிடிக்க சென்றவர்கள் உடனடியாக கரைக்கு திரும்பவும் கேட்டுக்கொள்ளப்பட்டது.

இந்நிலையில் கடந்த சில நாட்களுக்கு முன்னர் தூத்துக்குடியை சே்ாந்த மீனவர்கள் பைபர் படகுகள் மூலம் ஆழ்கடலுக்கு மீன்பிடிக்க சென்றனர். மீன்வளத்துறை எச்சரிக்கையை தொடர்ந்து அவர்கள் கரை திரும்பினர். இன்று அதிகாலை கீழவைப்பாறு பகுதியை சேர்ந்த 4 பேர் வந்து கொண்டிருந்த பைபர் படகு பலத்த காற்று காரணமாக கடலில் கவிழ்ந்தது. இதனால் அதில் இருந்த 4 பேரும் தண்ணீரில் தத்தளித்து கொண்டிருந்தனர். அதனை பார்த்த மற்ற படகுகளில் சென்ற மீனவர்கள், கடலில் தத்தளித்த மீனவர்களை காப்பாற்றினர். தொடர்ந்து அவர்கள் தங்கள் படகுகள் மூலம் அவர்களை கரைக்கு அழைத்து வருகின்றனர்.

மேலும் கடலோர பாதுகாப்பு குழும போலீஸ் இன்ஸ்பெக்டர் சைரஸ் தலைமையில் மீனவர்களை கரைக்கு அழைத்து வரும் நடவடிக்கைளில் ஈடுபட்டுள்ளனர். அவர்கள் இன்று பிற்கலில் தூத்துக்குடிக்கு வருவார்கள் என கூறப்பட்டுள்ளது.

மரக்காணம்:

மரக்காணம் அருகே எக்கியார்குப்பம் மீனவர் கிராமத்தைச் சேர்ந்தவர் ரஞ்சித் (வயது 46). இவருக்கு சொந்தமான பைபர் படகில் அதே பகுதியை சேர்ந்த ராகுல் (21), ரவி (24), மணிபால் (35) மற்றும் ரஞ்சித் ஆகிய 4 பேரும் மீன்பிடிக்க இன்று அதிகாலை கடலுக்கு சென்றனர்.

அப்போது நடுக்கடலில் மீன்களை பிடித்து விட்டு வீடு திரும்பினர். கண்ணிமைக்கும் நேரத்தில் இவர்கள் வந்த பைபர் படகு அலையில் சிக்கி நிலை தடுமாறி கவிழ்ந்தது. இதில் படகில் வந்த 4 பேரும் அலையில் சிக்கி உயிருக்கு போராடினர். இதை பார்த்த அருகில் மீன்பிடித்துக் கொண்டிருந்த சக மீனவர்கள் அலையில் சிக்கிய 4 பேரையும் பத்திரமாக மீட்டு கரைக்கு கொண்டு சென்றனர்.

இந்த விபத்தில் படுகாயம் அடைந்த ரஞ்சித் மற்றும் ரவி மரக்காணம் அரசு ஆஸ்பத்திரியில் சிகிச்சைக்கு சேர்க்கப்பட்டனர். மேலும் கடலில் மூழ்கிய படகு கரை ஒதுங்கியது படகில் இருந்த வலைகள் கடல் நீரில் மூழ்கியது. இந்த விபத்தில் மீனவர்கள் சிறு காயங்களுடன் உயிர் தப்பினர்.